Good News Theology School အကြောင်း မိတ်ဆက်

၁၉၇၆ ခုနစ်တွင် Pastor Ock Soo Park မှ စတင်တည်ထောင်ခဲ့ပြီး ကမ္ဘာတစ်၀န်းဧဝံဂေလိဟောပြောသူ အမှုတော်ဆောင် များနှင့် သာသနာပြုဦးရေ ထောင်နှင့်ချီ တက်ရောက်သည့် ကျမ်းစာကျောင်းဖြစ်ပါသည်။ ရှင်လုကာခရစ်ဝင် ၂၄း၄၇တွင် ဖော်ပြထားသည့်အတိုင်း စစ်မှန်သောဧဝံဂေလိတရားဖြစ်သည့် နောင်တရခြင်းတရားနှင့် အပြစ်လွှတ်ခြင်း တရားကိုအထူး အလေးထားပြီး စစ်မှန်သောဧဝံဂေလိတရားအားဖြင့် အပြစ်နွံထဲ ကျရောက်နေသည့် ကမ္ဘာကြီးအ တွက် အလင်းဖြစ်စေမည့် အနာဂတ်၏အမှုတော်ဆောင်များကို လေ့ကျင့်ပျိုးထောင်ပေရန် ရည်ရွယ်ပါသည်။ ယနေ့မျက် မှောက်ကာလတွင် ခရစ်ယာန်ဘာသာရေးသည် ကြီးမားသောစိန်ခေါ်မှုများနှင့် ရင်ဆိုင်နေရပါသည်။ ​အသင်းတော်အများစု သည် သမ္မာကျမ်းစာတွင်ပါရှိသော ယုံကြည်ခြင်းတရားနှင့် အဆက်အသွယ်ပြတ်နေပြီး အသင်းတော်သို့ သွားရောက်ဝတ် ပြုသည့် ပျမ်းမျှ အသက်အရွယ်များသည် သက်ကြီးပိုင်းများသာ ဖြစ်နေပါသည်။ ထို့အပြင် အသင်းတော်အများစုသည်   လည်း တစ်စနှင့် တစ်စပျောက်ကွယ်စပြုလာပါသည်။ ဤသို့ဖြစ်လာရခြင်းသည် အသင်းတော်များနှင့် သင်းအုပ်ဆရာများ    သည် ဘုရားသခင်နှင့်ဆက်သွယ်ပြီး ဘုရားသခင်ထံမှစစ်မှန်သော ယုံကြည်ခြင်းအားဖြင့် ကျေးဇူးတော် လက်ခံရရှိရန်  ထက် လူ၏ကြိုးစားခြင်းအားဖြင့် ကျေးဇူးတော်လက်ခံရရှိရန် ဦးတည်နေသောကြောင့်ဖြစ်ပါသည်။ လူ၏ကြိုးစားခြင်းအားဖြင့် ဘုရားသခင်ထံသွားနိုင်သည်မဟုတ်ဘဲ ဘုရားသခင်၏နှုတ်ကပတ်တော် တစ်ခုတည်းကို ယုံကြည်မှသာ ဘုရားသခင်ထံ ပြန်လာနိုင်သည်ကို သိရှိခြင်းက သမ္မာကျမ်းစာတွင် ဖော်ပြထားသောနောင်တရခြင်း တရားပင် ဖြစ်ပါသည်။ ဤကျမ်းစာသင်ကျောင်းသည် သာသနာပြုနေသော အမှုတော်ဆောင်ဆရာများနှင့် ကမ္ဘာအနှံ့မှ ဧဝံဂေလိ အမှုတော်ဆောင်များအတွက် ဝိညာဉ်ရေးရာအသက်တာ ပိုမိုတိုးတက် ကောင်းမွန်လာစေရန်အတွက် အကူအညီပေးနိုင်သော နေရာတစ်ခုအဖြစ် ဆက်လက်တည်ရှိနေပါတယ်။ ဘုရားသခင်က သူ၏အမှုတော်ဆောင်များအား ဖြင့် အလုပ်လုပ်နေပါသည်။ စစ်မှန်သော ဘုရားသခင်၏ အမှုတော်ဆောင်တစ်ဦးအဖြစ် အသင်းတော်တစ်ခု၊ လူမှုအဖွဲ့ အစည်းတစ်ခု၊ မြို့တစ်မြို့မှစပြီး နိုင်ငံတစ်နိုင်ငံလုံး ပြောင်းလဲလာနိုင်မည်ဟု ယုံကြည်ပါသည်။ ဘုရားသခင်၏ ဧဝံဂေလိ တရားကို ကမ္ဘာအရပ်ရပ်သို့ဟောပြော ဝေငှနိုင်ရန်အတွက်စစ်မှန်သော အမှုတော်ဆောင်ကောင်းမြောက်မြားစွာကို မွေးထုတ်ပေးနေသော ကျမ်းစာကျောင်းတစ်ခုအဖြစ် ကျွန်ုပ်တို့ Good News Theology School က ရပ်တည်လျက် ရှိပါသည်။