ဣသရေလလူမျိုးများသည် ပဿခါအားဖြင့် သေဘေးဒဏ်စီရင်ခြင်းမှ လွတ်မြောက်ပြီးနောက် ထာဝရဘုရားမှ အာဗြံဟံအား ကတိတော်ထားရာ ခါနန်ပြည်သို့ သွားရောက်ခဲ့ကြပါသည်။ မိုးတိမ်တောင်၊ မီးမိုးတိုင် နှင့် မောရှေတို့မှ ဦးဆောင်ခြင်းအားဖြင့် သဲကန္တာရခရီးကို ဆက်လက်သွားလာ ခဲ့ကြပါသည်။ ပဿခါသိုးသငယ်ဖြစ်သော သခင်ယေရှု၏ အသွေးတော်အားဖြင့် ယုံကြည်သူခရစ်ယာန်များသည် အပြစ်မှ လွတ်မြောက်ခြင်းရရှိခဲ့ပြီး ကောင်းကင်နိုင်ငံ ရောက်ဖို့ရန် ကယ်တင်ခြင်းစိတ်ချမှု ရရှိခဲ့သည့်အပြင် ဘုရားသခင်မှ ပြုစုပျိုးထောင်ပေးသော ဘုရားသခင်၏ အမှုတော်ဆောင်များ၊ ဘုရားသခင်၏ အသင်းတော်များ ဖြစ်လာနိုင်ပါသည်။ ထွက်မြောက်ရာကျမ်းကို လေ့လာသင်ယူခြင်းအားဖြင့် ဘုရားသခင်၏ စိတ်တော်နှင့်တွေ့ဆုံနိုင်ပြီး ဘုရားသခင်ကို ယုံကြည်ခြင်းအားဖြင့် ယခုကဲ့သို့ ခက်ခဲကြမ်းတမ်းသော အချိန်ကာလတွင် ကောင်းချီးမင်္ဂလာနှင့်ပြည့်ဝသည့် အသက်တာဖြင့် အသက်ရှင် လျှောက်လှမ်းနိုင်ဖို့ အခြေခံအုတ်မြစ် ခိုင်မာလာနိုင်ပါသည်။