ဧဝံဂေလိတရားသည် ယေရှုခရစ်တော်ကိုယ်တိုင် ဝေမျှပေးအပ်ခဲ့သော ဘုရားသခင်၏ သတင်းကောင်းဖြစ်သည်။ လူသားများအားလုံး ယေရှုခရစ်တော်အားဖြင့်အပြစ်မှ လွှတ်မြောက်ခြင်းအခွင့် ရရှိကာ ဘုရားသခင်နှင့် တစ်လုံးတစ်ဝဖြစ်ရန်၊ လူသားများကိုမဖန်ဆင်း မှီကပင် ဘုရားသခင်သည် ဤဧဝံဂေလိတရားကို ပြင်ဆင်ထားခဲ့ပါသည်။ အပြစ်ဖြေလွှတ်ခြင်းအမှုသည် ကားတိုင်တော်တွင်ပြည့်စုံပြီ၊ လူသားများ အားလုံးကိုအပြစ်မှ ထာဝရလွှတ်မြောက်စေသည်။ ပေါလုသည် နောင်တရခြင်းနှင့်ယုံကြည်ခြင်း ဟူသည့်ဧဝံဂေလိတရားကို ထမ်းပြီး လောကီနိုင်ငံအရပ်ရပ်တွင် ဟောပြောခဲ့သည်။ ကျွန်ုပ်တို့သည် မိမိအကြံအစည်များကို စွန့်ပစ်ပြီး ဘုရားသခင်ထံ လှည့်ပြန်လျှင် ယေရှုခရစ်တော်အားဖြင့်အပြစ်မှ လွှတ်မြောက်သည့် အံ့ဖွယ်သောအမှုတော် ထင်ရှားလာမည်ဖြစ်သည်။ ကျွန်ုပ်တို့သည် ယေရှုခရစ်တော် လုပ်ဆောင်ပေးခဲ့သည့် အမှုတော်များကို သေချာသိမြင်လျှင် မိမိအကြံစည်များကိုစွန့်ပစ်ကာ ထိုသခင်၏ကောင်းချီးမင်္ဂလာနှင့် ပြည့်ဝသည့်အသက်တာကို ရရှိနိုင်ပါသည်။